Risultâts

I risultâts dal progjet EDUKA2

Il progjet al vûl fâ cressi lis capacitâts des autoritâts publichis e dai interessâts tal setôr de istruzion tal cuadri de cooperazion e dal guvier transfrontalîr cu la creazion di une rêt funzionâl di cooperazion transfrontaliere jenfri scuelis, universitâts, centris di ricercje e ents des minorancis nazionâi e lengistichis. La rêt e lavorarà stant daûr a un document strategjic condividût su lis sfidis e soluzions comuns inte suaze de didatiche su tematichis sedi culturâi e lenghistichis, sedi ambientâi e naturalistichis, come par esempli la didatiche des lenghis minoritariis, regjonâi e dal vicin e la didatiche dal risi leât al sfrutament de tiere e al cambiament climatic. 

Dentri dal progjet a vignaran inmaneadis 41 unitâts didatichis:
  • che a rivuardis lis “classis transfrontalieris” par materiis diviersis; 
  • pal insegnament de leterature de aree transfrontaliere
  • pal insegnament des lenghis minoritariis: par sloven tes scuelis cun lenghe d’insegnament slovene in Italie, par talian tes scuelis cun lenghe d’insegnament taliane in Slovenie e par furlan tes scuelis in Italie dulà che al è proviodût l’insegnament;
  • pal insegnament dal sloven e deal talian come lenghe di chel dongje tes scuelis.

Par realizâ il trasferiment di cognossincis e modei didatics inmaneâts a vignaran proponûts 5 percors di formazion (ancje in version e-learning) indreçâts a insegnants e professôrs di scuele te aree dal Program.
In plui, a vignaran metûts adun i imprescj di supuart a students e laureâts tes proceduris pal ricognossiment dai titui e des cualifichis professionâi cuistadis tal paîs dongje, come un manuâl e un model di orientament pai students e cors di formazion pal personâl universitari assegnât aes segretariis students e ai uficis pal orientament e tutorât. 
In plui, a saran metudis a disposizion un sît internet par materiâi didatics e l'e-learning e une pagjine facebook di condivision des ativitâts.

I prodots dal progjet EDUKA2

Il progjet al metarà in vore doi documents strategjics comuns che a laran a realizâ l’Output dal Program INTERREG V-A Italie-Slovenie 2014-2020 daûr des soluzions comunis che a fasin cressi l'integrazion, la coerence, l'armonizazion dal guvier te aree dal Program (politichis condividudis, cuadri des lêçs o regolament, documents strategjics comuns, imprescj di e-government...):
  1. un document strategjic comun di modei didatics condividûts jenfri i sistemis d’istruzion inte aree dal Program, cun liniis vuide, metodis comuns e contignûts condividûts di didatiche transfrontaliere, didatiche des lenghis minoritariis, regjonâi e dal vicin e didatiche sui pericui leâts al sfrutament dal teren e al cambiament climatic; 
  2. un document strategjic comun pal ricognossiment dai titui e da lis cualifichis professionâi tal setôr de Istruzion, che al à dentri une descrizion condividude dal iter procedurâl, de liste dai documents domandâts e da lis fasis ugnulis pal ricognossiment dai titui e da lis cualifichis professionâi di insegnant, educadôr e di altris profîi che a somein a chescj.

In plui, par meti in vore l'Output dal Program daûr al numar di beneficiaris partecipants a cors di formazion comuns, il progjet inmanearà:

  1. Cors di formazion comuns pai docents des scuelis publichis inte aree dal Program che a rivuardin la didatiche transfrontaliere e la didatiche des lenghis minoritariis, regjonâi e dal vicin, cjapant dentri ancje la teme dai pericui ambientai leâts al sfrutament dal teren e al cambiament climatic. Par mieç di cinc cors diviers si metarà in vore il trasferiment di cognossincis e dai modei didatics proviodûts tal document strategjic comun di modei didatics condividûts metût in vore de Rêt.
  2. Un percors di formazion comun sul ricognossiment dai titui e des cualifichis professionâi tal setôr de istruzion pai operadôrs assegnâts aes segretariis students, ai servizis di orientament e a altris uficis li des universitâts e facoltâts de aree transfrontaliere, e ancje par altris sogjets interessâts..